Eva Sigurbjörg Káradóttir

2003-05-27T03:29:00.000-07:00

Þriðjudagur 27. maí.
Ennþá yndislegt veður og sumarfrí nálgast. Mig vantar tjaldvagn. Ég er búin að sjá að maður getur ekki ferðast á Íslandi án þess að eiga fellihýsi en því miður hef ég ekki efni á því en ég gæti kannski nurlað fyrir einum tjaldvagni. Við fórum í tjaldvagna útilegu og ég var svo glöð þegar við vorum búin að tjalda, góðar dýnur langt frá jörðu og bara hlakkaði til að fara að sofa. Þetta var á Akranesi en við vorum að fylgja yngri peyjanum á fótboltamót. Við komum degi á undan öðrum og gátum fengið það tjaldsvæði sem við vildum. Svo byrja bílarnir að streyma að daginn eftir. Það voru allir á jeppum og allir með fellihýsi hvert öðru glæsilegra og allt í einu var tjaldvagninn ekki svo flottur lengur. Sum fellihýsin voru meira að segja með sturtu. En eins og ég sagði áðan þá verð ég að gera mér að góðu tjaldvagn og á ekki einu sinni fyrir honum en ég ætla samt að kaupa mér svoleiðis. Fer í bæinn um helgina, en næsta lota byrjar á mánudag. Please hafið þetta notalega sumarönn með ekki miklum væntinum. Ég verð að komast í frí. Ég talaði við manninn minn í gærkvöldi og við eigum aftur stefnumót í kvöld kl. 21:00. Hva ég elska tæknina. Þarna sátum ég og strákarnir við tölvuskjáinn og horfðum beint á myndarlega manninn minn sem sat á skrifstofu á lítilli eyju þar sem búa 3 manneskjur. Hann sást mjög vel, sá okkur mjög vel og við heyrðum mjög vel í hvort öðru. Jæja nú þarf ég að rolast til að klára restina.
kveðja í bili
eva

2003-05-26T06:35:00.000-07:00

Mánudagur 26. maí.
Hitti Önnu Díu í fyrramálið og Beggu eftir hádegi. Vonandi getur hún hjálpað okkur með þetta hún Begga mín. Annars er ég búin að ganga frá einkunnum en á eftir að ganga frá stofunnu. Allt í góðum gír. Getur verið að þetta sé allt að klárast? Yndislegt veður og svilkona mín er í heimsókn með litla dúllu þannig að ég fæ að leika mömmu og strákarnir mínir farnir að biðja um systur. Er ekki hægt að fá bara eina senda til sín???
kveðja
eva

2003-05-23T02:05:00.000-07:00

Yndislegur föstudagur 23. maí.
Ég neita að gefast upp og í gær fór ég í tölvuna og ætlaði að komast að þessu ég sat við í 2 klst. og reyndi ýmislegt en komst ekkert áleiðis. Ég ákvað samt að setja síðuna á netið til að sjá útkomuna þar og hún skekktist að sjálfsögðu öll til ef þið viljið kíkja en Begga ætlar að koma og kíkja á þetta ég bara efast um að hún geti hjálpað, þetta er bara hundleiðinlegt forrit og ég vil bara fá að gera í Frontpage aftur. Svo kláraði ég Sólveigu í gær og var það góð tilfinning, alltaf gott að ljúka einhverju, ég var búin að vera með þetta í huganum svo lengi. Svona mjakast þetta áfram hægt og bítandi, ég er bara svo svekkt út í þessa heimasíðu sem ég hef verið að gera í dreamweaver því ég væri búin með síðuna því hún er svo til tilbúin nema enska útgáfan ef ekki væri þetta vesen. Annars er ég að fara í útskrift upp á land um helgina þannig að Eurovision partíið verður þar í ár. Bróðir minn ætlar að bjóða okkur í læri þannig að það verður voða kósí. Palli kominn til Svíðþjóðar þannig að hann verður fjarri góðu gamni. Hann er voða hrifinn af Trosa smá bæ í Svíþjóð en í dag áttu þau að fara út í þessa Eyju. Það verður spennandi að heyra hvernig það er. Ég bara vona að það sé símasamband. Hann keyti vebcam og við ætlum að reyna að vera í myndsambandi, það verður gaman fyrir strákana að sjá pabba sinn, svo getur hann líka sýnt mér hvað hann er búinn að kaupa á þá og ég get þá sett út á og skipað honum að kaupa meira. Er þetta ekki alveg brilliant, þ.e. ef þetta virkar. Kemur í ljós í fyrsta lagi á sunnudagskvöldið þegar við komum aftur, annars er ég hrædd um að það sé ekkert símasamband á þessari eyju. kemur í ljós. Ég er allavegana með alla dagskrána og veit að núna er hann að byrja í hádegismat en þau eiga að elda allan mat sjálf. Ekki meira í bili - áfram Ísland
kveðja
eva

2003-05-22T02:59:00.000-07:00

Fimmtudagur 22. maí.
Ég er að brjálast yfir þessu dreamweaver forriti ég er búin að eyða ómældum tíma í vitleysu og ég hef svo mikið annað við tímann að gera. Ég var í tvo tíma í gær og ekkert gekk og ég reyndi margt. Ég á aldrei eftir að vinna í þessu forriti aftur ef ég ekki þarf vegna skólans. Ég skil ekki af hverju við getum ekki notað það forrit sem okkur hentar. Nú held ég úti heimasíðu fyrir minn skóla þegar ég hef tíma en ég kann á það forrit. Ég geri mér grein fyrir að ég er búin að tala um þetta áður en svona er ég nú pirruð yfir þessu. Annars er ég búin að setja inn kóða fyrir Sólveigu en á eftir að setja inn 2 blöð, þetta smá mjakast allt saman.
kveðja
eva

2003-05-20T06:12:00.000-07:00

Þriðjudagur 20. maí.
Glóbe-dagurinn heppnaðist frábærlega. Ég er búin að setja inn myndir á skólavefinn minn en þar eru myndir úr dalnum. Ég hef ekki fengið neinar myndir frá öðrum liðum ennþá. En veðrið var frábært og krakkarnir áhugasamir. Skemmtilegt að báðir skólarnir vinna saman. Annars er ég búin að nota helgina til að gera vef v/síðasta verkefnis míns en ég verð að segja að mér finnst eins og ég hef oft sagt áður Dreamweaver er hund hund leiðinlegt forrit. Af hverju má ekki bara gera vefsíðu í því forriti sem manni líkar best við, ég meina skiptir ekki útlitið og innihaldið öllu máli???? ekki forritið, en eftir þennan kúrs á ég aldrei eftir að nota þetta aftur. Ég lenti í þvílíku brasi, eyddi mörgum klukkustundum í vesen og ég hef meira við tímann að gera en svona leiðindi. Svo á ég eftir að setja þetta á netið og veit að það á eftir að vera bras og þá verð ég ennþá meira pirruð yfir þessu....
Annars ekki meira í bili
kveðja
eva

2003-05-16T03:46:00.000-07:00

Föstudagur 16. maí.
Frábær dagur í gær, það komu 18 strákar í afmælið allir 6 og 7 ára og þvílíkt fjör. Sem betur fer var gott veður og allir gátu verið úti að leika. Afmælisbarnið var rosalega ánægt með daginn og allar gjafirnar og þvílíkar gjafir. Hjá eldri stráknum hafa verið óskráð lög að gefa kr. 500 í afmælisgjöf til bekkjarfélaga og finnst mér það mjög sniðugt. Það væru meiri útgjöldin ef maður þyrfti að kaupa gjöf fyrir 1500 fyrir hvern krakka. En alla vega þá fékk hann rosalega flottar gjafir og var náttúrulega ánægður með það. Kl. 8 í gærkvöldi fórum við svo á tónleika hjá eldri stráknum en hann er að læra á klarinett og var að klára fyrsta stigið. Hann var stressaður fyrir þá og vildi hætta við þannig að ég var með í maganum þegar hann var kallaður upp. Minn maður fór upp hneigði sig og spillaður Morning has broken eins og hann hefði aldrei gert annað, rosalega flott hjá honum og engin feilnóta. Mömmuhjartað fór á flug. Nú er fríhelgi sú fyrsta síðan fyrir páska, við áttum að fara upp á land á lokahóf HSÍ en nú var bara komið nóg, ég ætla að læra um helgina og vera með strákunum mínum í rólegheitum.
kveðja
eva

2003-05-15T04:51:00.000-07:00

Fimmtudagur 15. maí.
Yndislegur dagur. Yngri strákurinn minn er 7 ára í dag og eigum við von á 20 6 og 7 ára strákum. Sem betur fer er gott veður og tekið fram á boðskortinu að þeir mættu koma í fótboltafötum. Það er búið að baka og taka til og ógurlegur spenningur. Vonandi verður gaman því það er búið að bíða eftir þessu svo lengi. Annars með námið, hjálp ég á eitthvað svo mikið eftir. Ætla að reyna að fara í heimasíðuna um helgina en á eftir að fá gögnin, myndir og upplýsingar. Verð að klára þetta fyrir miðvikudag. Svo er aðeins einn dagur eftir í æfingakennslunni, verður það gott þegar það er búið, við erum svo að segja búnar með skýrsluna fyrir það. Svo byrjar næsta önn fyrstu vikuna í júní, ég er ekki alveg að meika það. Vantar svo að fara í frí. Vinkona mín hringdi og tilkynnti mér það í gær að hún ætlaði með fjöldskylduna í 3 vikur til Danmerkur í sumarhús, ég skellti á hana (næstum() draumafríið mitt. Ég lifi í voninni að við komust næsta sumar, ætluðum að fara í sumar en ekkert verður úr því, andskotans peningar alltaf að gera manni erfitt fyrir.
ekki meira bili
kveðja
eva

2003-05-14T04:03:00.000-07:00

MIÐVIKUDAGUR 14. maí.
Sund milli stríða en er núna í leikskólanum. meira seinna.

2003-05-13T04:46:00.000-07:00

Þriðjudagur 13 maí.
Er búin að ákveða að gera heimasíðu fyrir vinkonu mína sem rekur hótel hér í bæ. Þau hafa ekki ennþá sett neitt á netið um fyrirtækið og það gengur að sjálfsögðu ekki. Man það núna að ég á eftir að klára Sólveigu, það er svo mikið að gera hjá mér að ég gjörsamlega gleymi öllu, svo þegar ég sest niður á kvöldin kl. 9 og allt er komið í ró þá hef ég ekki orku í að gera neitt. Það er spurning um vítamínskort. Það er afmæli á fimmtudaginn en yngri gormurinn verður 7 ára, hvað þetta líður allt hræðilega hratt. Þessir drengir mínir verða farnir að heiman áður en ég veit af. Alla vega þá er mikil spenna fyrir daginn og mamma verður að standa sig í þessu öllu. Svo er það náttúruvísindadagurinn þar eru fundir og vinna svo eru það nefndirnar en ég er formaður í náms-nefnd og á að blása til fundar sem fyrst en hvenær á ég að hafa tíma til þess?
kveðja í bili
eva

2003-05-12T06:19:00.000-07:00

Fékk þennan snilldartexta sendan og nýbúin að hella úr mér og ekkert því meira viðeigandi en að koma með eftirfarandi:

Stundum þarf að minna mann á hvað maður á mikið............
Bara í dag....
-ætla ég að brosa til þín þegar augu okkar mætast, og hlæja þegar mig
langar frekar að gráta...
-ætla ég að leyfa mér að vakna mjúklega, vafinn inn í sængina þína, og
halda á þér í fanginu þar til þú ert tilbúinn fyrir nýjan dag...
-ætla ég að leyfa þér að velja hvaða föt þú ferð í, brosa og hrósa þér
fyrir "fullkomna" litasamsetningu...
-ætla ég að gleyma óhreina tauinu og fara frekar með þér út á leikvöll...
-ætla ég að geyma óhreinu diskana í vaskinum og hjálpa þér að leysa nýja
púsluspilið þitt...
-ætla ég að slökkva á símanum og tölvunni og fara með þér út að blása
sápukúlur...
-ælta ég að bjóða þér upp á ís í innkaupaferðinni, í stað þess að byrsta
mig um leið og þú ferð að suða um hann...
-ætla ég ekki að hafa áhyggjur af því hvað þú ætlar að vera þegar þú verður
stór...
-ætla ég ekki að hafa bakþanka um allar ákvarðanir sem ég tek í uppeldinu
og fyrir þína hönd...
-ætla ég að leyfa þér að baka með mér bollur og ekki hnoða þær allar aftur
þegar þú sérð ekki til...

Bara Í Kvöld....
-ætla ég að halda á þér í fanginu og segja þér frá deginum þegar þú fæddist
og hvers vegna mér þykir svona vænt um þig...
-ætla ég að leyfa þér að busla og skvetta í baðinu og ekki verða reið út af
vatninu á gólfinu...
-ætla ég að leyfa þér að vaka lengi og skoða stjörnurnar á himninum...
-ætla ég að kúra hjá þér eins lengi og þú vilt, þó að ég missi þá af
uppáhaldsþættinum mínum...
-ætla ég að dást að þér og vera þakklát fyrir að eiga gersemi eins og þig.
Ég hugsa til mæðra sem hafa misst börn sín vegna veikinda eða slysa og
mæðra sem dvelja á sjúkrahúsum með börnum sínum og berjast fyrir lífi
þeirra. Ég er svo
heppin að eiga þig og bið ekki um neitt... ...nema annan dag með þér...

2003-05-12T04:42:00.000-07:00

Mánudagur 12. maí
Síðasta vikan í æfingakennslunni. Þessir litlu ungar eru alveg yndislegir, svo áhugasamir um allt og allt svo skemmtilegt. Hvenær breytist það? Af hverju er maður að lesa um illa upp alin og ókurteis börn. Af hverju er ekki einhver framámaður í sálfræði eða kennari þessvegna sem skrifar flotta grein í moggann t.d. og útskýrir fyrir foreldrum af hverju börnin þeirra eru svona vansæl. Þetta er ekkert flókið. Ef foreldrar taka utan um börnin sín einu sinni á dag, tala við þau, taka þátt í því sem þau eru að gera, eru áhugasöm um allt sem viðkemur börnunum, gefur þeim tíma með heimavinnu, lærir með þeim eða fer yfir hjá þeim hvað þau hafa verið að gera, er með kósíkvöld osfrv. Af hverju geta foreldrar ekki gert sér grein fyrir því að ef það er kvartað undan börnum þeirra í skólum þá er eitthvað að og í 90% tilvika hefur það með foreldrana sjálfa að gera, þeir eru ekki að standa sig. Allir foreldrar verða að líta í eigin barm með jöfnu millibili og spyrja sjálfan sig hvernig gangi í uppeldinu. Það er alltaf hægt að gera betur, aldrei hægt að gera fullkomið. Maður er að heyra ótrúlega hluti þar sem börnin eru sjálfala. Ég þekki til í Garðabæ og þar er allt fljótandi í eiturlyfjum skv. einni sem er þar í FG. Kokain er í boði í hverju partíu, krakkarnir eru að taka inn e-töflur o.fl. Þegar ég spyr svo þennan einstakling hverju þetta stafi þá er svarið að krakkarnir hafi svo mikla peninga milli handanna, foreldrarnir alltaf uppteknir í sínu og hafa engan tíma til að vera með börnunum. Það skemmtilegasta sem ég geri er að vera með strákunum mínum og ég er alls ekki nein fullkomin móðir en ég reyni að gera mitt besta eins og allir eru að reyna. Fólk gerir sér oft ekki grein fyrir því hvað er að eiga börn og á ekki að þurfa komast að því þegar það er búið að eignast þau að þetta sé ekkert fyrir þau. Það er alveg sama í hvað stöðu maður er hvort sem það er verkamaður eða forsetisráðherra þetta er erfiðasta hlutverk sem hægt er að taka að sér í lífinu. Samt getur hver sem er eignast börn. Oft hefur maður á tilfinningunni að konur séu að eignast börn af því að þær vanti tilgang í lífið, fólk er að eignast barn til að bjarga hjónabandinu, konur eru að eignast börn til að halda í kallana. Eitt af því versta sem hægt er að hugsa sér eru óhamingjusöm börn, börnum sem líður illa heima hjá sér, börn sem eru beitt andlegu og líkamlegu ofbeldi, börn sem eru afskipt, börn sem enginn hefur áhuga á, hvernig getur þetta verið til??? Mig langar svo oft til hrópa á foreldra sem eiga foreldra með agavandamál - HUGSIÐ ALMENNILEGA UM BÖRNIN YKKAR!!!
kveðja
eva

2003-05-09T04:10:00.000-07:00

Föstudagur 9. maí.
Annasöm helgi framundan, ætla að klára hana Sólveigu, er búin með 2 nemendur en eftir hina 2. Verð mjög fegin þegar það er búið. Svo eftir ein heimasíða og vettvangsnámið. Leshringurinn blessunarlega búinn. Var að skoða norskar stærðfræði síður, norðmenn eru komnir miklu lengra en við á mörgum sviðum, eiga fullt af peningum til að búa til alls konar forrit en tækja málin hjá þeim eru samt ekki eins góð og hjá okkur, við verðum að passa okkur að hleypa ekki öllum framúr okkur. Alla vega þá eru þetta skemmtilega síður eins og t.d. http://www.matematikbogen.dk og fullt af öðrum skemmtilegum síðum. Maður þyrfti að fá borgaðan heilan dag í viku til að vera að leita á netinu að skemmtilegum síðum. Ég fékk t.d. skemmtilega hugmynd um stærðfræðisíðu á þessu flandri mínu en skyldi maður einhvern tímann koma henni í framkvæmd?
Ég er að fara að rukka fyrir Globe-daginn
kveðja og góða helgi
eva

2003-05-08T03:21:00.000-07:00

Fimmtudagur 8. maí.
Yndislegur dagur. Var vakinn upp með því að strákarnir mínir 3 komu með morgunmat í rúmið, kaffi og eggjaköku. Frúin á enda afmæli, orðin 37 ára. Mér finnst ég hafa gleymt´því að vera 36 ára því allt í einu er það svo lítið og 37 svo mikið. Svo er ég alltaf svo ungleg. Alltaf þegar ég hitti jafnaldra mína þá finnst mér þeir alltaf hljóta að vera miklu eldri en ég er sjálf. Undarlegt hvað maður getur verið blindur á sjálfan sig en sem betur fer er maður það. Til þess að maður geti verið ánægður með sig þá verður maður að fegra sig og hvernig er hægt að lifa ef maður er ekki ánægður með sjálfan sig? Aukakílóin mættu vera mun færri en ef maður er ekki maður til að gera eitthvað í ´því þá á maður ekki að láta það hafa neikvæð áhrif á lífið sitt. Annars er ég stressuð þessa dagana eins og vafalaust hefur komið fram, mikið að gera og maður sér ekki fyrir endann á því. Það verður gott þegar æfingakennslan er búin og við búnar að skila af okkur skýrslunni, við höfum verið að gera hana jafnóðum þannig að það ætti ekki að vera svo mikil vinna, það er bara að finna tíma til að klára það. Annars fæ ég vinkonur mínar í kaffi í dag og ætla að elda góðan mat ofan í strákana í kvöld og slappa af.
kveðja í bili
Eva

2003-05-07T08:33:00.000-07:00

Miðvikudagur 7. maí.
Það er brjálað að gera, er að fara á fund út af náttúruvísindadeginum, búin að reyna að safna peningum fyrir honum og mætti það ganga betur. Greinilegt er að fyrirtæki frá fleiri tugi sníkja á dag og eru orðnir hundleiðir á öllum þessum góðu málefnum. Það gekk vel í æfingakennslunni, vorum á internetinu, fórum yfir það og svo í Bubba Byggir en þar er fullt af sniðugum leikjum fyrir þau sem þjálfa margt og mikið. Mæli eindregið með því fyrir yngri börn. Nú er ég búin að ljúka við leshringinn og þvílíkur munur að hafa það að baki. Nú er það lokaverkefnið hjá Salvöru, gera heimasíðu en Anna Día hafði samband og kom með skemmtilega hugmynd í sambandi við það. Annars þyrfti ég að gera heimasíðu fyrir eina vinkonu mína hér í bæ sem rekur hótel og er ekki enn komin á netið. Spurning hvað ég geri í því. Ég ætla ekki að skrifa meira í bili en ég skrifa væntanlega aftur á morgun ef guð lofar.

kveðja
eva

2003-05-06T01:20:00.000-07:00

Þriðjudagur 6. maí.
Kominn 6. maí og ég á afmæli á fimmtudag, orðin 37 ára, mér finnst ég hafa gleymt því að ég var 36. Er ekki hægt að stoppa tímann aðeins. Æfingakennslan gengur vel en sá sem átti að koma til mín í gær út af verkefninu hennar Sólveigar kom ekki þannig að ég er ekki komin lengra þar en það stendur til bóta því þetta klárast vonandi í dag. Leshringurinn er að verða búinn en ég sendi inn loka innslagið í gær og nú er bara eftir ein samantekt. Vonandi tekst að ljúka þessu öllu með sóma áður en önnin er búin. Ég er að fara á fund í kvöld en ég er í atvinnunefnd á vegum bæjarins. Nú er kominn nýr meirihluti og þá eiga hlutirnir að gerast en ekkert er enn að gerast í samgöngumálum eitthvað sem er brýnast. Skrifa meira seinna
kveðja
Eva

2003-05-05T03:54:00.000-07:00

Mánudagur 5. maí

Ég skrifaði um helgina en það hefur ekki komið inn, mjög pirrandi. En það var farið að halda upp á Íslandsmeistaratitilinn og var það að vonum mjög skemmtilegt. Ég er byrjuð á verkefninu hennar Sólveigar en er ekki alveg búin, vonast til að klára þetta í dag. Þetta er svolítið skemmtilegt að fylgjast með krökkunum á öðrum forsendum en maður hefur gert áður. Svo er leshringurinn að klárast en æfingakennslan er búin 15 maí. Ég hef áhyggjur af náminu hjá Salvöru en mér finnst eins og ég sé að gleyma einhverju, ég vona ekki en ég skrifaði henni um daginn og spurði hana en það virtist ekki vera.

bless í bili
eva

2003-05-02T04:47:00.000-07:00

Föstudagur 2. maí.
Ég skrifaði ekkert í gær þar sem ég var að koma ofan af landi með Herjólfi og honum seinkaði vegna vatnsvandamála og ég komst ekki heim til mín fyrr en kl. 24:05 í gærkveldi orðin þreytt og úrill. En ÍBV vann og þvílíkur léttir. Meira hvað maður lætur þetta fara inn á sig þessar íþróttir. Kakan heppnaðist rosalega vel og skírnarveislan var stórgóð. Gaman að hitta fólkið. Ég sendi strákana mína 3 með flugi frá Bakka og voru þeir komnir kl. 6 til Eyja. Þurfti ég svo að keyra til Þorlákshafnar til að fara sömu leið sjóferðina og var komin heim 6 klst. síðar. Er þetta ekki með ólíkindum. Ég hef sagt það áður og ég segi það þangað til þetta lagast hvenær á að laga þessar samgöngur??? Nú eru kosningar framundan og það er enginn sem getur lofað okkur neinum betrumbætum nema þá helst framsóknarflokkurinn, hann er líka að bjóða 90% lán til húsakaupa sem er löngu kominn tími á. Stundum finnst mér eins og þingmennirnir séu úr takti við samfélagið, þeir séu í einhverjum turnum og haldi að allir hafi það fínt og sjái ekki hvernig hægt er með einföldum hætti að jafna réttindi og tekjur fólks. Hvaða fólk er það sem lendir í vandræðum í lífinu? eru það ekki upp til hópa fólk sem hefur alist upp við fátækt, drykkjuvandamál osfrv. Oft heyrir maður, það er ekki furða hvernig hann er þessi eins og uppeldið sem hann fékk. Af hverju grípum við ekki fyrr í taumana, hvernig getum við horft upp á börn sem við vitum að fá ekki næga uppörvun og ást í uppeldinu, af hverju þarf fólk ekki að fara á námskeið áður en það fæðir börn þar sem þeim er gert grein fyrir því hversu ábyrgðarfullt hlutverk þetta er og að þetta sé það erfiðasta hlutverk sem maður getur valið sér að verða foreldri ef maður ætlar að gera það vel.

Nú er ég komin á flug, enda þreytt en sé fram á annasama helgi þar sem ég ætla að klára hana Sólveigu með athugunina á 4 börnum en ég hef ekki komist í það ennþá.
kveðja og góða helgi
eva

2003-05-02T04:34:00.000-07:00

Miðvikudagur 30. apríl
Ég er búin að vera í æfingakennslu í dag. Rosalega er gaman að vera með þessi 5 ára börn sem eru að uppgvötva svo margt. Við létum þau fara í Snót og Snáða og Glóa geimveru. Í Snót og Snáða voru sum með putta til að telja en önnur með kubba og þau voru svo áhugasöm og upptekin af að reikna. Öllum tókst nokkuð vel, þau eru orðin ágætlega þjálfuð í að telja en eru samt mjög misjöfn. Samt virðist það ekki koma svo að sök í þessu forriti en það kemur hins vegar vel í ljós munurinn á þeim þegar við létum þau vera í Glóa geimveru. Sum kunnu alla stafina og jafnvel farin að stauta sig áfram á meðan aðrir kunnu kannski bara fyrsta stafinn í nafninu sínu. Fyrir þau var þetta svolítið erfitt en þau reyndu eins og þau gátu og allir lærðu heilmikið, það var alveg augljóst. Sum áttu Glóa geimveru en kunnu samt ekkert sértaklega betur en hin á hann. Spurning hvort börnin fái forritin en enginn nenni að setjast niður með þeim og kenna þeim á þá. Alla vega þá tókst þetta vel. Ég er að fara í flug núna á Bakka en það er skírn á morgun í Skarði í Landsveit og ég bakaði rosalega marenge botna í skúffu og spurning hvort það tekst hjá mér að flytja kökuna í heilu lagi yfir. Svo er leikurinn á morgun. Áfram ÍBV

kveðja
eva

2003-04-29T05:06:00.000-07:00

Þriðjudagur 29. apríl
Nú ætla ég að vera svolítið dugleg að skrifa þar sem ég skulda nokkuð af innlögnum. Um helgina voru hjá mér frændfólk en ÍBV hélt handboltamót ásamt HSÍ. Tókst mér að taka mynd af 4 frændum í sitthvoru liðinu sem ég ætla svo að reyna að setja á heimasíðuna mína. Svo kom önnur frænka í fermingu þannig að ég hef aldrei verið eins rík af ættmennum og ég var um helgina hér í Eyjum. Mikið væri nú gott ef samgöngur væru aðeins betri hér en sum handboltaliðin komust ekki heim fyrr en á mánudeginum. Það kemur æ oftar fyrir að ekki er hægt að anna eftirspurn, fólk kemst ekki með af því að skipið er fullt. Ég get ekki skilið af hverju samgöngur eru hér ekki betri. Spurning hvort það skipti virkilega öllu máli að ekki sé neinn þingmaður sem talar máli Eyjamanna inni á þingi. Hér búa tæp 5000 manns, það er komið árið 2003. Hvað getur maður gert??? Ég var í fermingarveislu um daginn þar sem miklar umræður komu upp um þessi mál og þar voru nokkrir sem stóðu á því að flytja ætti Vestmannaeyjabyggð til Grindavíkur og vera ekki að halda úti byggð yfir höfuð úti á landi. Þetta eru skoðanir ansi margra. Ég er svo sem sammála að með breyttum tíma þá þurfi að fækka byggðarkjörnum, útrýma skólum sem eru með færri en 20 nemendum alla vegana og fólk á samt að fá að búa þar sem það vill. Ég vill fá bryggju hérna hinum megin þar sem það tekur ferju 20 mín. að sigla á milli, þetta er gerlegt, myndi breyta miklu fyrir byggðalagið hér, hægt væri að flytja hingað fisk og aðrar útflutningsvörur beint frá austurlandi og svo beint héðan til útlanda. Aldrei yrði uppselt og allir sem vildu kæmust á Þjóðhátíð, Pollamótið, Pæjumótið, Goslokahátíð, Þrettándann, Golfmótin, Sveitaböllin osfrv. Vestmannaeyjar eru ferðamannaparadís þar sem tekið er á móti fólki af mikilli hlýju, fólki finnst það velkomið, allir tilbúnir til að rétta hjálparhönd. Þess vegna er svo mikil synd að ekki skuli fleiri geta notið þess að koma hingað þegar þeir vilja og án mikillar fyirhafnar en fólk setur fyrir sig að vera í skipi í 3 klst. en það væri ekkert mál að vera í 20 mín. það er bara skemmtilegt. Svo eftir 5 ár eða svo þá á að byrja á göngum hingað. Þá verðum við bæði með göng og bryggju og þá þurfum við að fara að stækkun Eyjanna því þá vilja allir búa hér.

kveðja
Eva

2003-04-29T01:56:00.000-07:00

Þriðjudagur 29. apríl.
Nú er svo mikið að gera hjá mér að ég vildi helst bara leggjast upp í rúm og vera þar þar til allt er yfirstaðið. Leshringurinn á síðasta verkefni og ég hef ekki verið öflug þar undanfarnar vikur svo er það æfingakennslan en þetta er mjög tímafrekt frá vinnunni, tveir dagar í viku þannig að ég er hálf stressuð þessa stundina. Svo er brjálað í vinnunni líka en það á að reyna að setja út heimasíðurnar hjá öllum og gengur mér það ágætlega en það er tímafrekt og ég þyrfti að vera hér allan sólahringinn. Svo er ég í nefnd um náttúruvísindadaginn í Eyjum en hann verður haldinn með pompi og prakt 19 maí og á að setja heimsmet í glóbe-merkinu og það þarf að safna peningum og undirbúa stöðvar og skilti osfrv. Svo er ég komin í nefnd á vegum bæjarins um atvinnusköpun í Vestmannaeyjum. Þannig að nú mega allir vorkenna mér, svo eins og það sé ekki nóg þá er skírn í fjölskyldunni á fimmtudag og ég bauðst að sjálfsögðu til að baka köku og fara með upp á land í veisluna. Svo eru ÍBV-stelpurnar í úrslitum og það er alltaf eitthvað í sambandi við það. Nú ætla ég að hætta þessari sjálfsvorkun enda búin að koma henni frá mér.
kveðja
eva

2003-04-25T03:11:00.000-07:00

Föstudagur 25. apríl.
Ég fékk flenslu aldarinnar, lá í móki og endaði á pensilinnkúr sem er minn fyrsti á ævinni sem ég veit af. Þannig að ég er ekki búin að vera í sambandi, missti af staðbundnu lotunni sem mér finnst mjög miður. Ég vona bara að þetta hafi ekki áhrif á áframhaldið en merkilegt hvað ein vika úr sambandi getur haft mikil áhrif. Alla vega er ég núna komin í gang full af orku.

kveðja í bili
eva

2003-04-04T00:21:00.000-08:00

Föstudagur 4. april.
Er kominn aftur föstudagur?? En yndislegt. Ég er í vandræðum með póstinn minn en tölvan hjá mér er alveg að hrynja. Ég loadaði niður þessu frábæra póstforriti sem ég vísaði í hér áður og síðan þá hefur allt verið í volli. Ég held að tölvan hafi ekki nægan styrk eða einhver vírus komist með. En ég ætla að flýta mér að skrifa hér áður en hún hrynur. Búin að vera að fylgjast með stríðinu í sjónvarpinu á sky-news. Þetta er voða flott show sem þeir eru með. Hvernig á maður að geta gert sér í hugarlund hvernig þetta vesalings fólk hefur það í Bagdad núna? Hvað lífið getur breyst 12og3. Vonandi verður þetta samt allt til góðs, maður verður að halda í vonina með það. Ég ætla að taka mér frí um helgina og ekkert hugsa um nám, bara slappa af, en ég er búin að vera svo dugleg undanfarna daga. Eldri strákurinn er að fara á fótboltamót um helgina þannig að við verðum bara 3 í kotinu. svo nokkrir dagar og svo páskafrí, getur lífið verið notalegra hér á Fróni. Ekki meira í bili.

kveðja
eva

2003-04-03T02:12:00.000-08:00

Fimmtudagur 3 apríl
Nú eru tveir dagar búinir í vettvangsnámi og gengu þeir bara vel. Við kenndum 8 klst. 5 ára leikskólabörnum og eigum eftir að vera í 6 vikur í viðbót. Þetta gekk mjög vel, við fórum í paint og þau teiknuðu form, hús ofl. lituðu, svo var prentað út. Farið var í tölvuna og hvernig hún virkaði ásamt fylgihlutum eins og mús, lyklaborða og hátölurum. Voru nemendur mjög áhugasamir og duglegir. Þau merktu myndirnar sínar en ekki allir kunnu að skrifa nafnið sitt.
Annars er að koma páskafrí og verður það mjög yndælt. 2 fermingar en annars bara afslöppun.
nenni ekki að skrifa meira núna
eva

2003-04-01T01:15:00.000-08:00

Þriðjudagur 1. april
Nú er komið að vettvangsnámi, voða spennandi. Við Begga ætlum að fara á leikskóla hér í bæ sem heitir Kirkjugerði og kenna þeim á fartölvur. Ég var öflug í gær í náminu og slappaði svo af í gærkvöldi með góðu samviskubiti en merkilegt hvað þetta samviskubit getur verið leiðinlegt. Ég verð ekki í skólanum mínum í dag og ekki á morgun og ekki komandi þriðjudaga og miðvikudaga en við verðum frá 10-3 á þessum dögum á leikskólanum.
kveðja í bili
eva

2003-03-31T02:44:00.000-08:00

Mánudagur 31. mars
ég var öflug með strákunum mínum um helgina en við bjuggum til heimasíðu saman og þeim fannst það algjörg æði, sérstaklega eldri stráknum en ég vísa á síðuna mína hér á blogginu mínu en efst í vi.horninu er myndarómynd þar sem hægt er að klikka á og þá ferðu á síðuna mína á netinu, ég kem ekki inn mynd þar
annars kveðja
eva

2003-03-31T02:39:00.000-08:00

Mánudagur 31. mars.
Nú er brjálað að gera hjá mér, leshringurinn að klárast og nóg að gera þar á þessari stundu, svo er ég að byrja í æfingakennslu en við Begga erum búnar að vera á fullu að undirbúa það en við fáum að gera þetta saman. Ég er búin að hafa áhyggjur af því alla helgina að ég fengi ekki að vera með Beggu í þessu en við erum búnað að vera vinna í þessu saman og svo fékk ég græna ljósið hjá Salvöru og er ógurlega hamingjusöm. Svo eru yndislegir vinnuveitendur mínir búnir að samþykkja þannig að nú er bara að fara út í kennslu. Það verður voða gaman en við förum inn á leikskóla hér í bæ með fartölvur og kennum 5 -6 ára krökkum en við höfum báðar séð um kennsluna og er það mjög gaman. Annars er ég að fá flog yfir þessu verkefni í Power point en mig vantar hugmyndir
ekki meira í bili
kveðja
eva

2003-03-28T00:33:00.000-08:00

Föstudagur 28. mars
Nú hef ég ekkert gert í þessu verkefni mínu ennþá, þyrfti að fá meiri upplýsingar um hvernig það er hugsað. Ekkert mál að gera flott Power-point show eða hvað??? Ég væri samt alveg til að í sleppa þessari lotu í apríl því nú er engin afsökun að fara ekki í fermingarveislu sem búið er að bjóða mér í þar sem maður verður á staðnum. Ég fór á leikrit í gærkvöldi Gauragang eftir Ólaf Hauk og skemmti mér konunglega. Ótrúlegt hvað lítið leikhús getur áorkað, en leikendur voru allir mjög frambærilegir. Nú er ég að undirbúa mikinn náttúruvísindadag í Eyjum 19.maí en við erum 8 saman í undirbúningshóp og er þetta mjög spennandi. Ég er að senda út sníkjubréf til fyrirtækja sem fá ábyggilega 100 svoleiðis sníkjur á dag en vonandi tekst okkur að fá nægan aur. Um helgina ætla ég að vera með strákunum mínum og njóta þess, reyndar er einn handboltaleikur á döfinni en við förum bara öll á hann. Eftir ansi mikið útstáelsi undanfarnar helgar þá verður yndislegt að fara ekki neitt, kannski við tökum í spil en það er langt síðan við höfum spilað hjónin en ég er mikill spilafýkill og sé sjálfan mig með sígarettu og bjór (í framtíðinni) en mig hlakkar til að byrja að reykja svona um 60 ára aldurinn og spila fram á rauðan morgun.
ekki meira í bili
kveðja
Eva

2003-03-26T02:52:00.000-08:00

Miðvikudagur 25. mars
Það er að koma sumar, hvað tíminn flýgur. Nú er leshringurinn við það að klárast, ég held að ég sé í síðustu umræðunni og eftir einn símafundur. Svo er að líða að næstu lotu í Reykjavík þar sem við eigum að kynna powerpoint verkefni það finnst mér ekkert mál en að finna verkefni til að fjalla um það er meira mál. Það er merkilegt hvað getur verið erfitt að fá skemmtilegar hugmyndir en um leið og þær koma þá er ekkert mál að vinna verkefnið sjálft. Ég þarf að leggja höfuðið í bleyti heldur betur því það líður að þessu. Ég er líka farin að undirbúa verkefnið með Sólveigu og verður skemmtilegt að breyta aðeins til og skoða nemendur með fyrirfram ákveðnum skoðunarþáttum. Ég held að vefurinn minn sé nú loksins kominn í lag jibbí.
kveðja
eva

2003-03-24T10:10:00.000-08:00

Mánudagur 23.mars.
Enn er ég í vandræðum með að koma þessu á netið. Þetta er með miklum ólíkindum. Ég kem ekki ensku útgáfunni á netið bara þessari íslensku sama hvað ég reyni og sama þótt sama aðferðin hafi verið notuð í bæði skiptin. Ég er orðin ótrúlega þreytt á þessu sérstaklega vegna allra klukkutímana sem liggja að baka. 'Eg vill bara vinna í Frontpage...... Ég er búin að sitja núna non-stop í 3 klukkutíma við að reyna mismunandi aðferðir eins og að setja íslensku útgáfuna í bæði og þá kemur það ekkert mál en hún setur ekki inn þessa ensku. Ég setti þetta inn fyrir viku síðan og þá virkaði enska síðan en nú ekki neitt og ég er hætt að botna í þessu. En ég reyni bara áfram með bros á vör. Ég fór á hippaball um helgina og var það ógurlegt stuð. Líka vann 'IBV leikinn við Hauka og var það sætur sigur ef ég á að vera alveg hreinskilin, nú er bara aðalkeppnin eftir og vonandi gengur allt upp en miðað við vinnuna sem fer í þetta allt saman þá finnst mér að við eigum skilið að vinna.

kveðja
eva

2003-03-21T02:09:00.000-08:00

Föstudagur 21. mars.
Það er strax kominn föstudagur, mér finnst alltaf vera komin helgi áður en ég veit af. Það stendur mikið til um helgina, saumó í kvöld, leikur á morgun og matur og ball. Það fer allur dagurinn í þetta, er reyndar búið að fara í þetta undanfarnar nætur hjá kallinum en hann er að gera myndband við íbv-lagið. Leshringurinn er í fullum gangi en ég er eitthvað óörugg með hitt þarf að fara að kíkja á vebbordið. Nenni ekki að skrifa meira í bili

kveða
eva

2003-03-19T08:17:00.000-08:00

Miðvikudagur 19. mars
Komin mið vika og fjölskyldan ennþá flensulaus, 7-9-13. Mikið um veikindi þessa dagana og sumir bekkir hálfir. Ég er búin að vera óvirk og þarf að fá spark í rassinn og fara að gera eitthvað af viti. Þá er ég að tala um námið. Stríð yfirvofandi og maður er eitthvað svo tilfinninganæmur þessa dagana. Má ekki hugsa of mikið um þetta allt saman en getur samt ekki komist hjá því að velta fyrir sér ýmsu í lífinu. Ég ætla að setja ljós út í gluggann í kvöld.
kveðja
eva

2003-03-17T06:19:00.000-08:00

Mánudagur 17. mars
Helgin var yndisleg, ég gerði ekkert af viti og þurfti svo á því að halda. Nú ætla ég að reyna aftur við blessaði heimasíðuna mína. Skólasíðan er ennþá öll í skralli en ég hef aldrei tíma til að gera neitt í henni. Samt kemst ég ekki upp með það lengur þar sem nemendur mínir eru flestir að gera heimasíður og vilja fara að sína afraksturinn heima hjá sér á netinu. Ég varð rosalega spennt fyrir fjölskylduvefnum á ráðstefnunni og vona að við tökum hann upp hér. Þá er það tímaleysi sem gerir það að verkum að ég er ekki búin að setja mig næginlega inn í það en það er auðvelt ég komst að því. Það væri gaman að vera búin að taka hann í gagnið fyrir haustið.
ekki meiri í bili
kveðja
eva

2003-03-14T03:42:00.000-08:00

Föstudagur
Ég eyddi 1.5klst í gær í að reyna að tengja en ekkert gekk. Ætla að láta karlinn minn um þetta núna áður en ég missi vitið. Ég ætlaði að tengjast msn en þá er passorðið mitt útrunnið þannig að ég ætlaði að sækja um nýtt en þá komst ég ekki á síðuna. Alltaf eitthvað til að gleðja mann í þessum tækniheimi. Ég ætla að sitja yfir tölvunni og mx-inum um helgina. Ætla ekki að gefast upp. Annars var ég að downloada niður alveg frábæru forriti til að senda á mediabuilder.com Alveg frábær vefur til að búa til skemmtilegar fyrirsagnir, senda skemmtilegan tölvupóst en það var það forrit sem ég loadaði niður um daginn. Rosalega skemmtilegt en það er einn hængur þar á, þeir sem fá póstinn verða að vera með þetta forrit líka og þá getur maður ekki komið á óvart með rosa flottum pósti. Mig vantar eitthvað til að gera með 8. bekknum mínum á mánudagsmorgunin, er einhvern veginn alveg andlaus, er einhver með hugmynd. Ég er svo viss um að enginn les það sem ég er að skrifa þannig að nú kemur það í ljós þ.e. ef einhver er með hugmynd handa mér. Ég var með þau seinast í lotukerfinu á námsgagnastofnunar vefnum, alveg frábær vefur sem ég mæli hikstalaust með. Jæja nú er ég komin í langþráð helgarfrí þar sem ég ætla að njóta þess að vera mamma og húsmóðir og eiginkona.
góða helgi
eva

2003-03-13T03:41:00.000-08:00

Ég er enn í vandræðum með DW. Ég er búin að koma síðunni minni á netið en nú koma engar tengingar. Ég er búin að vera að vaxa við þetta og er að verða vitlaus. Svo allt í einu kom inn tæknisagan og ég skil ekkert hvernig það hefur komist inn, þannig að nú þarf ég að setjast yfir þetta aftur og sjá hvað er þar sem er ekki annarsstaðar. En tíminn sem fer í þetta er mikill ókostur, klukkutímarnir fljúga og svo þegar maður stendur upp þreyttur og pirraður þá hefur manni lítið orðið ágengt. Það er frekar mikið að gera hjá mér þessa dagana og nú er að koma helgi sem ég hlakka mikið til. Þá ætla ég að reyna að slappa af. Við erum búin að vera tvær síðustu helgar uppi á landi og í gær sagði eldri sonur minn, mamma verðum við ekki bara heima um helgina og förum ekkert og fáum engan í heimsókn? Hann vill fá sína fjölskyldustund á föstudagskvöldið sem við erum búin að svíkja hann um undanfarna tvo föstudaga. Svo er hljómsveitin Írafár hérna um helgina og báðir strákarnir mínir ætla sko að fara og sjá Birgittu Haukdal, Þetta er nú meira fárið en það gæti verið verri fyrirmynd þannig að maður getur ekki annað en verið sáttur. Ég held að báðir strákarnir mínir séu skotnir í henni. Þeir eru 6 og 10 ára. En hljómsveitin ætlar að halda krakkaball á laugardaginn og það finnst mér rosalega jákvætt. Svo er meira að segja búið að gefa tíma fyrir eiginhandaráritanir!!!
annars bless í bili
kveðja
eva

2003-03-13T03:29:00.000-08:00

Farsæl þróun UT í skóla – hvað þarf til?

Seinni fyrirlesturinn eða námstefnan sem ég ætla að skrifa um hér var hjá Þór Jóhannssyni, kennsluráðgjafa í upplýsinga- og tæknimennt við grunnskólann í Borganesi og Varmalandi. Mér fannst hann með svo spennandi starfsheiti að ég ákvað að setjast inn og hlusta á hann. Hann sagði m.a. frá hvernig tölvukennslu er háttað í þessum tveimur skólum. Kennarar sjá sjálfir alfarið um tölvu- og upplýsingatækni kennslu. Hann kemur inn sem ráðgjafi og aðstoðarmaður. Fylgist með nýjungum og fræðir hina kennarana um það nýjasta þannig að allir ættu að vera nokkuð framarlega í fræðinni. Þetta finnst mér mjög spennandi og draumastaða fyrir mig. Ég á að gera þetta sem hann er að gera og fræða hina og halda úti heimasíðu og sjá um alla kennslu í öllum bekkjum. Þór var mjög lifandi fyrirlesari og smitaði út frá sér áhuganum. Sagði frá samhæfingu upplýsingatækni við aðrar greinar og hve nemendur væru áhugasamari þegar þessi fög væru samþætt. Síðan kom nemandi við MA (stúlka sem ég man ekki hvað heitir) á þessum sama fyrirlestri og hélt skemmmtilegan fyrirlestur um hvernig hún notar tölvutæknina til að halda utan um námið sitt. Hún heldur úti heimasíðu þar sem hún er búin að flokka fögin niður og glósar inni í hverju fagi. Þetta er mjög sniðugt fyrirkomulag og ekkert mál að framfylgja þessu. Þá hefur maður allt á einum stað, allt er skipulagt og ekkert hátt uppi á skáp þar sem maður nennir ekki að ná í það. Allar upplýsingar sem mann vantar eru innar seilingar. Ég var svolítið heilluð af þessum fyrirlestri sérstaklega af því að fyrirlesarar voru svo lifandi. Merkilegt hvað það skiptir miklu máli hvernig fyrirlesarar bera sig, glaðir og áhugasamir fyrirlesarar heilla mig greinilega, frekar en rólegir, hægir og yfirvegaðir. Ég fékk góða hugmynd frá stúlkunni og líka frá Þór hvernig gott er að skipuleggja upplýsingatækni nám í skólanum.

kær kveðja eva

2003-03-13T00:52:00.000-08:00

Hvernig nýtist skólavefurinn odin.dk í samstarfi?
Á föstudeginum fór ég m.a. á fyrirlestur hjá Björgu Pétursdóttur og Erni Óskarsskyni framhaldsskólakennurum Fjölbrautarskóla Suðurlands á Selfossi. Kennarar í NÁT-106 sem er náttúrufræði hafa undanfarin ár átt í samvinnu við framhaldsskóla í Noregi og Finnlandi og voru þau að lýsa þessum samskiptum og þeim verkefnum sem þau hafa verið að vinna saman. Þau hafa tekið þátt í tveimur samstarsfsverkefnum annars vegar um veðurathuganir þar sem nemendur hér tóku veður á mismunandi stöðum á sama tíma og nemendur í Noregi tóku veður hjá sér á mismunandi stöðum. Hins vegar gerðu nemendur verkefni um rof í heimabyggð. Í báðum tilvikum notuðu kennarar og nemendur vef sem heitir odin.dk til að setja verkefni sín inn á. Björg og Örn sýndu okkur hvað þetta er auðvelt í notkun og krefst ekki mikillar tölvuþekkingar hjá kennurum. Það sem þarf er passorð fyrir kennara til að setja inn niðurstöður verkefna en nemendur vinna sjálf verkefnin á tölvur. Þau vinna á ensku þannig að þetta er samþætting náttúrufræði, ensku og upplýsingatækni. Mér fannst þetta mjög sniðugt því nemendur sjá afrakstur sinn á vefsíðu, eru að vinna með nemendum frá öðrum löndum sem eru að vinna sambærileg verkefni. Nemendur sjá þá frekar tilgang með vinnu sinni þegar upplýsingarnar sem þau eru að vinna að koma fram á netinu og aðrir annars staðar eru að skoða niðurstöður þeirra. Það sem ég get helst sett út á þetta er að vefurinn odin.dk er ansi þungur í vöfum og enginn getur lesið niðurstöðurnar nema vera með passorð. Mér finnst það missa svolítið marks. Minnir mig svolítið á skólavefinn en ég er ekkert sérstaklega hrifinn af honum vegna þess hve hann er takmarkaður. Það sem íslensku kennararnir voru ósáttir við í þessari samvinnu var að hinir norsku sérstaklega eru ekki komnir eins langt tæknilega eins og þau hér. Einnig var mjög erfitt að finna samstarfsaðila en á þessu forriti odin.dk er hægt að auglýsa eftir samstarfsaðilum og finna sér samstarfsaðila. Ég hef sjálf auglýst eftir samsstarfsaðilum fyrir grunnskóla, fékk viðbrögð frá einum skóla sem var með 6 bekk. Mínir nemendur sendu bréf og mynd af sér í janúar en hafa ekki enn fengið viðbrögð og er það mjög svekkjandi.
kveðja
Eva

2003-03-11T02:41:00.000-08:00

Þriðjudagur 11. feb.
Nú er maður að jafna sig eftir menningarferðina. Þetta var góð ferð, yndislegt hótel /Grandhotel. Svo fórum við að sjá Kvetch í Borgarleikhúsinu, það var mjög sérstakt leikrit. Mjög vel leikið en mér finnst svo furðulegt hve oft allir eru látnir vera óhamingjusamir í leikritum. Maður veltir því ósjálfrátt fyrir sér hvort margir séu óhamingju samir eða hvort skáldin skrifa bara þegar þau eru í mikilli lægð. Svo fór ég í Kennó á laugardagsmorgun og hitti Salvöru, Gerði og fleiri og fékk frábæra hjálp, þannig að nú get ég haldið áfram með heimasíðuna mína og komið henni á netið ef allt gengur samkvæmt áætlun. Kannski er forritið ekki svo slæmt eftir allt. Símafundur á eftir, eins gott að gleyma því ekki. Nú þarf ég að fara að komast í gang, Lára komin með verkefni þannig að nú er nóg að gera.

kveðja
eva

2003-03-07T02:21:00.000-08:00

Föstudagur 7. mars
Stormur úti og ég er að fara í Herjólf í menningarferð kennara um helgina. Grand hótel bíður með húllum hæi sem ávallt fylgir Vestmannaeyingum. Ég ætla að fara í kennó á laugardagsmorgun og reyna að fá einhvern botn í þetta blessaða dreamw. forrit. Ég verð að viðurkenna að þetta er ekki draumaforritið mitt. Ég var loksins að fá Mx-pakkann þannig að nú er engin afsökun lengur. Það er búið að spá stormi á sunnudag og mig er strax farið að hlakka til heimferðarinnar. Hvenær skildu þessi samgöngumál lagast í Vesmannaeyjum? Ég vona að ég fái einhverja hjálp á laugardaginn, að einhver sem kann á þetta allt saman sé til staðar
Ég reyndi að fara á bloggið í gær en það var lokað

kveðja í bili
Eva

2003-03-05T01:15:00.000-08:00

Öskudagur
Jæja nú fer maður að komast í gang eftir Akureyrarferð. Þetta tekur á svona ferðalag fyrir svona gamla konu. Annars er ég mjög ánægð með ferðina. Fyrirlestrarnir voru reyndar misgóðir en maður hefur samt mjög gott af þessu. Maður sér hvað aðrir eru að gera og annað hvort heillast eða hugsar með sjálfum sér að þetta sé nú betra hjá manni sjálfum. Annars fannst mér ég fá meira út úr þessu í fyrra en núna hvort sem það er af því að núna er ég byrjuð í náminu og er þal meira meðvituð um hvað er að gerast og veit hvar ég á að fylgjast með eða mér fannst eins og meiri áhersla væri lögð á framhaldsskólann. Hvað sem því líður þá var ég mjög þreitt á sunnudagskvöldið þegar ég kom heim, svo hefur verið brjálað að gera í skólanum, þemadagar og árshátíð unglingana í gærkvöldi þar sem ég var í taflliði kennara og tapaði, reyndar á tíma þannig að ég hlýt að fá smá uppreisn æru. Svo var ég með 9 manns í baunasúpu í gær. Það er alveg furðulegt hvað ég er dugleg að koma mér í alls konar sem ég hef ekki tíma fyrir. Svo fór ég á kvenfélagsfund á mánudagskvöldið þar sem Elísabet Jökulsdóttir var með upplestur og umræður um geðhvörf. Mjög áhugavert að hlusta á hana. Þannig að strákarnir mínir tveir segja að ég sé aldrei heima og eru orðnir hálffúlir við mömmu sína. Ekki nóg með þetta þá erum við að fara menningarferð til Reykjavíkur um helgina og verðum við hjónin á Grand hotel með öðrum kennurum og upptekin alla helgina þannig að þeir verða að vera í pössun aftur og þó þeim finnist gaman að láta ömmur, afa, frændur og frænkur dekra við sig í bænum þá væru þeir meira til í að vera heima hjá mömmu og pabba. Hlakkar okkur öllum til að vera heima helgina þar á eftir og verður það sko kósí helgi.
Skrifa meira á morgun
kveðja
eva

2003-02-26T02:35:00.000-08:00

Miðvikudagur 26. feb.
Það er eitthvað vesen með þetta allt saman. Ég er með vísun á heimasíðuna mína og búin að borga fyrir að taka auglýsinguna og eitthvað meira en ekkert kemur inn. Ég tók eftir því að það sem ég hef skrifað undanfarið hefur ekki skilað sér inn á netið. Ég vona að þetta séu smá örðugleikar sem lagast fljótlega. Ég er búin að reyna að setja heimasíðuna mína á netið og gengur það ekki hingað til. Nú held ég úti heimasíðu fyrir skólann minn og ekkert mál. Ég verð bara pirruð þegar þetta gengur svona hægt og líka vegna þess að mér finnst ég eyða ómældum tíma í vitleysu þ.e. reyna að fá þetta til að virka. Annars nóg af leiðindum ég er að fara í fyrramálið til Reykjavíkur og til Akureyrar á föstudagsmorgun. Við hjónin ætlum að leigja bíl og keyra norður.
kveðja
eva

2003-02-25T06:17:00.000-08:00

Þriðjudagur 25. feb.
Ég er komin á fulla ferð með heimasíðuna mína. Ég er ekki dús við þetta forrit ennþá, en mér finnst Front page miklu einfaldara og skemmtilegra en það er vegna þess að ég kann á það. Ég fer héðan á fimmtudagsmorgun og eins gott að vera búin með þetta allt saman þá.

kveðja
eva

2003-02-24T05:46:00.000-08:00

Mánudagur 25. feb.
Jæja kominn mánudagur aftur, við töpuðum bikarnum og allt í volli. En það er tveir bikarar eftir og vonandi náum við í þá báða. Ég fékk góða heimsókn um helgina en Anna Día kom og gaf mér stórt spark í rassinn. Svo þegar ég ætlaði að fara að laga hjá mér blogg síðuna þá var eitthvað bilað á netinu þ.e. síðan sjálf þannig að það varð ekkert úr því og ég sem var komin með visakortið tilbúið en ég ætla að sjálfsögðu ekki að gefast upp. En eftir að hafa skoðað önnur blogg sé ég að það er hægt að gera ýmislegt á þessu og nú ætla ég að fara að reyna.
kveðja í bili
eva

2003-02-21T01:05:00.000-08:00

Fösturdagur 21. feb.
Það snýst allt um bikarleik ÍBV og Hauka hjá mér þessa dagana en úrslitaleikurinn er á morgun. Maðurinn minn er í stjórn handboltans og það er ógurleg spenna. Þær eru búnar að syngja lag inn á geisladisk, rosa fjörugt lag (tómatsósu lagið) þannig að þetta er allt voða spennandi. Ég ætla nú samt ekki á leikinn þar sem ég er að fara norður næstu helgi. Ég er orðin spennt að fara því mín reynsla af svona ráðstefnum er að áhuginn eykst og orkan hleðst í botn. Ég er á fullu að bæta skólavefinn en þyrfti að fá meiri tíma í það. Ég er að kenna allt of mikið og er að vonast til að tölvuumsjónarmaður verði ráðinn og að það verði ég því það er svo margt hægt að gera ef maður fær til þess tíma. Núna er ég að kenna 31 tíma í viku og þar sem ekkert námsefni er til þarf ég að undirbúa hvern tíma mjög vel, búa til námsefni og finna eitthvað sniðugt á netinu ásamt því að vera með verkefni í office-pakkanum sem ég bý til sjálf. En mér finnst þetta mjög gaman, ég mætti reyndar vera aðeins listrænni í mér en mér finnst það há mér þegar ég er að búa til og hanna vefi. Kannski er það bara það að ég hef enga trú á sjálfri mér hvað það varðar og yfirleitt vantar ekki sjálfstraustið í neinu sem ég tek mér fyrir hendur. Ég er ekki enn komin með dreamweaver pakkann, hvað er að gerast. Það er allt of oft svona tæknileg atriði sem eru að klikka, þetta átti að taka 1 viku og nú er febrúar að verða búinn. en það þýðir ekkert að vera með þetta röfl, þetta hlýtur að koma fyrr en síðar og ég er svo sem búin að hanna síðuna og ýmis verkefni sem ég set á hana. Myndir og bakgrunna er ég búin að vera að sanka að mér í vetur þannig að ég býst ekki við að vera lengi að þessu. Læt þetta nægja í bili.
Áfram ÍBV.
kveðja
eva

2003-02-18T05:34:00.000-08:00

Þriðjudagur 18. feb.
Ég fór inn á wefborðið áðan. Gaman að vera komin í sambandi. Mér hefur fundist ég vera ennþá meira ein í heiminum en áður að hafa ekki vefborðið, skrýtið hvað maður er fljótur að venjast þessari tækni. Ég er orðin leið á þessum stormum sem geisa hér um á hverju sólahring. Það er ekki mjög skemmtilegt að fara með Herjólfi í þessu veðri sem náttúruöflin hafa boðið upp á upp á síðkastið. En vonandi verður komið vor þá.

kveðja
evA

2003-02-17T06:01:00.000-08:00

Mánudagur 17. feb. Ég komst í link sem Námsgagnastofnun vísar í um stjörnuheiminn. Ég bjó til mjög skemmtilegt verkefni fyrir 8. bekk, reyndar eru svörin öll á ensku en ég er að vonast til að þau séu öll nokkuð klár í henni. Ég set verkefnið á síðuna mína um leið og ég er búin að setja hana á netið. Ég var að frétta að maður gæti farið á KazA og loadað niður öllum hugsanlegum forritum. Ég ætla að reyna að loada niður dreamweaver svo ég geti farið að vinna í heimasíðunni minni. Ég held úti heimasíðu fyrir skólann og það hefur legið niðri vegna þjónustunnar sem hefur ekki verið að standa sig. En ég er alltaf að gera heimasíður í Frontpage fyrir krakkana, verkefni og annað sem ég er orðin spennt að setja á netið. Það væri óneitanlega mikið þægilegra fyrir mig að geta notað Frontpage. Ég þyrfti fleiri klukkutíma í sólarhringinn, annars á kvöldin þegar allt er komið í ró er ég orðin svo löt að ég nenni ekki að gera neitt annað. Ég er búin að panta á Hótel Norðurlandi á ráðstefnunni. Gaman væri að vita hvort fleiri verða þar eða verðum við kannski öll út um hvippinn og hvappinn?

kveðja í bili
eva

2003-02-13T01:17:00.000-08:00

Nú er kominn fimmtudagur og heilsan komin sem betur fer. Ég talaði við Víglund í gær og hann sagði að pakkinn kæmi fljótlega. Nákvæmari gat hann ekki verið. Nú er að líða að Akureyri og er mig farið að hlakka mjög til. Ég fór í fyrra og það gefur manni mjög mikið að fara á svona ráðstefnur. Sjá hvað hinir eru að gera, fá nýjar hugmyndir, sjá ný forrit osfrv. Við Begga erum búnar að panta á hótel Norðurlandi og erum voða svekktar að það skuli ekki vera bar á hótelinu og ekki sundlaug. Ég var að velta fyrir mér hvort við ættum að vera búin að ljúka einhverju fyrir Akureyri? Ég þarf að finna út úr því.
kveðja í bili
eva

2003-02-12T02:57:00.000-08:00

Ég sé að það sem ég skrifaði á föstudaginn hefur ekki komið inn. Ég er búin að vera mjög óvirk undanfarna daga en flensa hefur hrjáð mig og er ég búin að fá meira en nóg af veikindum og bíð spennt eftir að fá fyrra vinnuþrek og áhuga. Ég talaði við tölvumanninn minn og hann lofaði að redda þessu í dag. Ég hef ekki enn fengið dreamweaver pakkann minn og ætla að fara að hringja í hann Víglund núna á eftir. Annars er ég hundslöpp ennþá þó ég sé í vinnu og sé rúmið mitt í hyllingum. Ég vill fara að fá vor. Enginn skóli á mánudaginn vegna veður, orðið langt síðan það hefur gerst, svo koma stormar með ca. 12 tíma millibili.
Ég verð orðin hressari á morgun
kveðja
eva

2003-02-06T06:02:00.000-08:00

Fimmtudagur,

Ég reyndi að komast í að skrifa í gær en það tókst ekki, brjálað veður og netið úti. Ég er enn að bíða eftir dreamweaver og enn er netið ekki komið í lag. Það er pirrandi að verða alltaf að bíða eftir öðrum, en heimasíðan mín virkar ekki enn. Vonandi er fall fararheill og vonandi gengur þetta betur hjá mér þegar á líður. Annars er ágætis veður í dag og maður getur ekki annað en verið glaður yfir því. Ég er að fara á fund um rafrænt samfélag og finnst mér það spennandi, svo er símafundur kl. 16:30 og vonandi gleymi ég því ekki en ég er ótrúleg í að gleyma svona hlutum.

læt þetta nægja í bili
kveðja
eva

2003-02-03T05:37:00.000-08:00

Sæl
Nú er kominn mánudagur og er ég mjög fegin að vera búin að skila fyrstu skilum, þó svo að það hafi ekki skilað sér inn á netið, þ.e. vefsíðan mín. Ég er enn að bíða eftir Dreamweaver- pakkanum til að geta byrjað. Ég er með gamalt dreamweaver forrit og nenni ekki að byrja þar. Annars lenti ég í miklum vandræðum þegar ég ætlaði að publisha vefnum mínum en ég mundi ekki neitt hvernig ætti að gera það. Þá er nú Frontpage auðveldara þar sem maður ýtir bara á file og Publish. Allavega þá þurfti ég að hringja í góðvinkonu mína hana Beggu sem er líka í náminu og hún kom og hjálpaði mér. Samt gekk þetta ekki eftir en eitthvað hafði hún lennt í því að vesen er að birta síðuna. Vonandi þarf ég ekki að lenda í því aftur en það hefur ekki lagast ennþá. Vonandi gerist það í dag. Annars þá gleymi ég alltaf að fá kortið hjá kallinum en ég er ekki með kort. Ætla að muna eftir því í dag til að losna við auglýsinguna.

Ekki meira í bili

kveðja
eva

2003-02-01T10:43:00.000-08:00

Framtíðarsýn á tæknina.

Við lifum á tækniöld eins og kemur fram út um allt. Manni finnst stundum eins og nú hljóti að vera komið nóg í tækninýjungum að við séum komin á lokareit. Ekki er það raunin og alltaf geta tæknimeistarar komið með nýtt í öllu mögulegu. Eftir 10 ár sé ég fyrir mér sjónvarpssíma á hvert heimili, dyrasíma með mynd í hvert fjölbýlishús. Maður ræður sjónvarpsdagskránni sjálfur með gagnvirku sjónvarpi. Fólk verður farið að nýta sér það að kaupa á netinu meira, ég hefði nú samt haldið að fólk gerði meira af því nú þegar en ég t.d. hef aldrei keypt neitt á netinu. Á meira að segja eftir að kaupa burt auglýsinguna á bloggernum mínum. Tölvan verður sjónvarp. Gsm símar verða nettengdir og með sjónvarpsmynd. Heimili verða mörg algjörlega tölvuvædd, það er nú þegar byrjað og miðað við hvað allt gerist hratt á ég ekki von á öðru en að halda áfram á sama hraða. Mér finnst svo gaman að bera mig saman við börnin mín, ég enn ung aðeins 36 ára man eftir sveitasímum, engu sjónvarpi á fimmtudögum, allt hey í heysátur og keyrt heim á vagni. Hvernig verður þetta hjá mínum börnum? Getur tæknin haldið áfram endalaust? Það virðist vera, þess vegna held ég að ómögulegt sé að segja til um hvernig þetta verður í framtíðinni því að ég held að svo margt eigi eftir að koma fram sem maður hefur ekki hugmynd um ennþá en verður orðið venjulegt eftir 10 ár.

Hér er slóðin á heimasíðuna mína http://www.eyjar.is/~eva/ en hún virkar ekki, sá sem sér um þessi mál er í barneignarfríi. Hvað varðar Vefrallýið þá er ég búin að búa til vefrallý sem ég vísa í á vefsíðunni minni. Það er um fótbolta en ég ákvað að reyna að gera eitthvað áhugavert fyrir unglingsstrákana mína í 10 bekk. Þá eru þeir að sækja um íþróttafréttamannsstöðu og verða að taka próf um kunnáttu í fótbolta.

læt þetta nægja í bili

kær kveðja á laugardegi, þar sem íslendingar voru að tapa og ég læt það fara mikið í taugarnar á mér

eva

2003-01-31T07:18:00.000-08:00

Tæknin sem ég bý við í dag
Ég held að það fari eftir áhuga hvers og eins hvað hann/hún er tæknivæddur og fylgist með tækninni. Ég hef ekki verið mjög áhugasöm um tækni en á mann sem gleypir í sig allar nýjungar. Við fengum okkar fyrstu tölvu daginn sem Persaflóastríðið byrjaði eða árið 1991. Eiginmaðurinn satt inni í herbergi og var að tengja og fikta sig áfram á meðan ég sat fyrir framan sjónvarpið og gat ekki skilið áhugaleysi mannsins fyrir þessu. Ég man ekki hvað þessi tölva var stór en hún var ekki tölvutengd. Þá um haustið fluttum við til Noregs og tókum tölvuna með en hún eyðilagðist í flutningunum þannig að við keyptum nýja og betri þar. Á meðan við vorum í Noregi sem var frá 1991 - 1994 þá man ég ekki til þess að ég hafi sent tölvupóst. Enginn heima var með aðgengi og ég fór aldrei á internetið svo ég muni. Eftir að við komum heim þá er eins og allt hafi gerst en þá byrjaði ég í Kennó og stuttu seinna fór ég í fjarnám en ég get ómögulega munað hvenær ég sendi minn fyrsta póst eða hvenær ég fór að nota internetið. Ég veit bara að við höfum keypt okkur 5 tölvur í gegnum tíðina. Eigum núna ágætis tölvu enda sér kallinn um að uppfæra og kaupa aukadót til að halda henni við. Maður þarf sem sagt ekki lengur að kaupa nýja tölvu, heldur stækkar maður það sem fyrir er. Við erum með ADSL-tengingu og skil ég ekki hvernig maður fór af án hennar. Ég nota tölvuna mikið, fer oft á netið heima og bý til verkefni og undirbý mig fyrir kennsluna, svo sendi ég verkefni og það sem ég er að gera á netfangið mitt í skólanum og prenta út þar. Þetta finnst mér mjög þægilegt. Ég á tvo stráka, 6 og 10 ára og þeir eru farnir að spila byssuleiki á netinu undir umsjón pabba en ég veit ekki hvort það eru meðmæli. Við erum ekki sammála um leikina sem þeir eru í en ég ákvað að treysta kallinum fyrir þessu. Ég er ekki í tölvusambandi við neinn á netinu eins og er, vinkona mín sem býr í Noregi er ekki tengd og svo er það leti eða eitthvað því við þekkjum marga sem við höfum misst samband við og væru hæg heimatökin að vera í sambandi á netinu. Vonandi verður bragabót á því. Á heimilinu eru 3 sjónvörp og 2 vídeo. Ég held samt að við horfum ekkert sérstaklega mikið á sjónvarp. Salvör sagðist hafa keypt sér digital sjónvarp og hef ég ekki hugmynd hvað það er eða hvernig það virkar. Við hjónin eigum sitt hvorn gemsann og er eldri sonurinn farinn að biðja um síma en hann er 10 ára. Hann fékk þau skilaboð að hann yrði að fermast fyrst. Við hjónin höfum bæði aðgang að stafrænni myndavél og digital upptökuvél en eigum ekki sjálf. En það átti að vera jólagjöfin í ár, þ.e. digital upptökuvél og er það á fjárhagsáætlun fyrir sumarið. Eiginmaðurinn er með fartölvu frá vinnunni. Strákarnir eiga playstation I, gameboy, og geisladiskaspilara fyrir mp3. Þá held ég að það sé upptalið með tæknina á heimilinu. En eins og ég sagði hér ofar í textanum þá
fer tækninotkun alfarið eftir eiginmanninum en ég græði að sjálfsögðu heilmikið á því.

kær kveðja
Eva

2003-01-31T07:17:00.000-08:00

2003-01-31T03:41:00.000-08:00

Tæknin sem ég bý við í dag
Ég held að það fari eftir áhuga hvers og eins hvað hann/hún er tæknivæddur og fylgist með tækninni. Ég hef ekki verið mjög áhugasöm um tækni en á mann sem gleypir í sig allar nýjungar. Við fengum okkar fyrstu tölvu daginn sem Persaflóastríðið byrjaði eða árið 1991. Eiginmaðurinn satt inni í herbergi og var að tengja og fikta sig áfram á meðan ég sat fyrir framan sjónvarpið og gat ekki skilið áhugaleysi mannsins fyrir þessu. Ég man ekki hvað þessi tölva var stór en hún var ekki tölvutengd. Þá um haustið fluttum við til Noregs og tókum tölvuna með en hún eyðilagðist í flutningunum þannig að við keyptum nýja og betri þar. Á meðan við vorum í Noregi sem var frá 1991 - 1994 þá man ég ekki til þess að ég hafi sent tölvupóst. Enginn heima var með aðgengi og ég fór aldrei á internetið svo ég muni. Eftir að við komum heim þá er eins og allt hafi gerst en þá byrjaði ég í Kennó og stuttu seinna fór ég í fjarnám en ég get ómögulega munað hvenær ég sendi minn fyrsta póst eða hvenær ég fór að nota internetið. Ég veit bara að við höfum keypt okkur 5 tölvur í gegnum tíðina. Eigum núna ágætis tölvu enda sér kallinn um að uppfæra og kaupa aukadót til að halda henni við. Maður þarf sem sagt ekki lengur að kaupa nýja tölvu, heldur stækkar maður það sem fyrir er. Við erum með ADSL-tengingu og skil ég ekki hvernig maður fór af án hennar. Ég nota tölvuna mikið, fer oft á netið heima og bý til verkefni og undirbý mig fyrir kennsluna, svo sendi ég verkefni og það sem ég er að gera á netfangið mitt í skólanum og prenta út þar. Þetta finnst mér mjög þægilegt. Ég á tvo stráka, 6 og 10 ára og þeir eru farnir að spila byssuleiki á netinu undir umsjón pabba en ég veit ekki hvort það eru meðmæli. Við erum ekki sammála um leikina sem þeir eru í en ég ákvað að treysta kallinum fyrir þessu. Ég er ekki í tölvusambandi við neinn á netinu eins og er, vinkona mín sem býr í Noregi er ekki tengd og svo er það leti eða eitthvað því við þekkjum marga sem við höfum misst samband við og væru hæg heimatökin að vera í sambandi á netinu. Vonandi verður bragabót á því. Á heimilinu eru 3 sjónvörp og 2 vídeo. Ég held samt að við horfum ekkert sérstaklega mikið á sjónvarp. Salvör sagðist hafa keypt sér digital sjónvarp og hef ég ekki hugmynd hvað það er eða hvernig það virkar. Við hjónin eigum sitt hvorn gemsann og er eldri sonurinn farinn að biðja um síma en hann er 10 ára. Hann fékk þau skilaboð að hann yrði að fermast fyrst. Við hjónin höfum bæði aðgang að stafrænni myndavél og digital upptökuvél en eigum ekki sjálf. En það átti að vera jólagjöfin í ár, þ.e. digital upptökuvél og er það á fjárhagsáætlun fyrir sumarið. Eiginmaðurinn er með fartölvu frá vinnunni. Strákarnir eiga playstation I, gameboy, og geisladiskaspilara fyrir mp3. Þá held ég að það sé upptalið með tæknina á heimilinu. En eins og ég sagði hér ofar í textanum þá
fer tækninotkun alfarið eftir eiginmanninum en ég græði að sjálfsögðu heilmikið á því.

kær kveðja
Eva

2003-01-30T06:43:00.000-08:00

Hæ,
Þetta gekk ekki eftir, ég hef ekki hugmynd um hvað ég er að gera vitlaust,
reyni aftur
handbolti
kv
eva

2003-01-30T06:40:00.000-08:00

Hæ,

Þessi dagbókarskrif ætla ekki að byrja neitt sérstaklega vel. Ég hef ekkert komist inn þessa viku og var núna búin að skrifa helling og komin með link og allt þegar allt fraus. Vonandi gengur þetta betur núna. En þar sem ég er mikill handbolta áhugamaður og mikilvægur leikur í kvöld á hm þá ætla ég að reyna að vísa í handboltasíðu morgunblaðsins.

2003-01-24T03:48:00.000-08:00

Komiði sæl aftur,
ég er svona a ð reyna að vinna mig áfram og ætla að reyna að losna við auglýsinguna um helgina. svo ætla ég að reyna að vísa í aðrar síður. sjáum hvernig það virkar

kveðja
eva

2003-01-24T03:29:00.000-08:00

Hæ,
Ég heiti Eva S. Káradóttir. Ég er kennari og bý í Vestmannaeyjum. Ég kenni upplýsingatækni eingöngu í öllum bekkjum innan skólans en við höfum alla f´lóruna frá 1-10 bekk. Ég hef búið í Vestmannaeyjum undanfarin 8 ár og líkar það mjög vel en ég kem frá Reykjavík. Ég hef mikinn áhuga á handbolta og sat uppi til 2 í nótt til að horfa á leikinn en ég gat ekki horft á hann fyrr en ég vissi útslitin. Svo fylgist ég mikið með handboltanum í Eyjum, sérstaklega stelpunum sem eru að gera það gott þessa dagana.

Ég hef aldrei bloggað áður og vissi ekki að það væri til fyrr en nú. Þetta er mjög spennandi og væri ég til í að halda svona dagbók með 10 bekk. Er einhver sem getur frætt mig á því hvernig ég fer að þvi að búa til svona sérsíðu fyrir bekk eins og Salvör er væntanlega að gera fyrir okkur?

kv
eva

2003-01-24T03:18:00.000-08:00

Get ég ekki skrifað mig inn beint af netinu?
Verð ég alltaf að fara inn á aðalsíðun og logga mig þar inn?

kveðja
eva

2003-01-24T03:15:00.000-08:00

Hæ sendi smá prufu

kveðja
eva